美食攻略
Hoegaarden 相信你都一定會飲過！ 最近佢出咗隻紅桑梅味啤酒，唔知你又試過未呢？ 最近行過7仔，見到有枝紅桑梅味既hoegaarden，咪買黎試下囉！不過都唔敢有好大期望，話哂上次試左枝龍眼味啤酒都幾失望嘛！
一倒出黎見到都幾粉紅，完全唔似飲緊啤酒咁！飲落去又幾驚喜喎！ 完全冇啤酒的苦澀味，反而有陣好強烈既甜味！個味有小小似果汁酒， 好易入口， 聞落去有有好香既梅味，不過飲落就有小小太甜，當甜品酒真係一流！而且如果當係果汁味啤酒咁飲就絕對係好飲咖！
不過我覺得呢隻都係女仔酒，好易入口！ 酒精含量比一般啤酒小，得3%，如果鐘意飲普通啤酒既人，呢款可能未必岩你喇！佢既價錢係HKD$18.5一枝，都算合理咖！
全線7-11都有得賣咖！
Search